واٹس ایپ نے اچانک ایسے فیچر کا اضافہ کردیا جس کا صارفین کو کافی عرصے سے انتظار تھا
واٹس ایپ نے ایک نئے فیچر کو متعارف کروایا ہے جس کے تحت صارفین ایپ میں آڈیو یا ویڈیو کالز کا حصہ بن سکیں گے۔
کال لنکس نامی فیچر کے تحت صارفین اپنے دوستوں کو آڈیو کال کیلئے انوائٹ کر سکیں گے۔
یہاں ہم آپ کو فیچر کا استعمال بتائیں گے:
صارفین کو بس ایک کال کا لنک بنانا ہو گا اور اسے ان افراد سے شیئر کرنا ہو گا جن سے وہ بات کرنا چاہتے ہیں۔
صارف جب اپنے دوست کو لنک بھیجے گا تو وہ اس پر کلک کر کے کال کا حصہ بن جائے گا۔
اس نئے فیچر کی ایک خاص بات یہ بھی ہے کہ آپ اس انسان کو بھی کال کا حصہ بنا سکیں گے جو آپ کے کانٹیکٹس میں شامل نہیں، بس اس انسان کا واٹس ایپ ممبر ہونا ضروری ہوگا۔
دوسری جان میٹا کے سی ای او مارک زکربرگ کا کہنا ہے کہ اس فیچر کو بتدریج صارفین کے لیے متعارف کرایا جارہا ہے تو ہو سکتا ہے کہ سب تک پہنچنے میں کچھ وقت لگے۔
